Avannaata Kommuniani Uummannami Innarluutillit najugaqatigiiffinni Najugaqatigiiffik Eqqissisimaarfimmi aqutsisutut atorfik inuttassarsiorneqarpoq 1. Marts 2026 isumaqatigiissuteqarnikkulluunniit atorfinittussamik.
Atorfinittussap qaninnerpaamik Ilaqutareeqarnermut Ingerlatsivimmi aqutsisoq suleqatingissuaa, taannalu qullersarissallugu.
Suleqatinut qaninnerpaanut akisussaaffiit ilaatigut makkuussapput:
- Najugaqatigiiffik Unaamut attuumassuteqartunut tamanut atatillugu Ingerlatsivimmi aqutsisup ilisimatinneqarlunilu malinnaatinneqarnissaa qulakkeerlugu.
- Najugaqatigiiffimmi ajornartorsiuteqartoqartillugu aaqqiissutissamik suliaqartoqarnissaanik qulakkeerinninneq.
- Najugaqatigiiffimmi ineqartunik, taakkulu qaniginerpaasaannik, ingammik ineqartut atugarissaarnissaat eqqarsaatigalugu ataavartumik attaveqarneq.
- Najugaqatigiiffimmi sulisunik ataatsimeeqateqartarnerup imarisaanik ataavartumik ilisimatitsisarneq kiisalu kommunip politikkikkut anguniagai pillugit kiisalu allaffissornikkut aqutsisuiniit akissuteqaatit najugaqatigiiffimmi sulisunut ingerlateqqinneqatarneri.
- Innuttaasut najugaqatigiiffimmi najugaqartut sullinneqarneranut attuumassuteqartunut kommunip immikkoortortaqarfiini allani sulisunik suleqateqarneq (utoqqarnik sullisisoq, innarluutilinnik sullissisoq kiisalu aningaasaqarnikkut sullissisut) kiisalu ilinniagaqassuseq akimorlugu avataaneersunik suleqatinik, matumani Ingerlatsivimmi aqutsisumut akuttunngitsumik ataasimeeqarnerit ilangullugit ataataavartumik paasissutissiissuteqarneq.
- Najugaqatigiiffimmi aningaasartuutit pillugit killiffimmik paasissutissiineq kiisalu innuttaasunut najugaqartunut sullissinermi naatsorsuutinik (kisitsisinik), matumani akuttunngitsumik nalunaarusiornerit ilanngullugit ataavartumik paasissutissiineq.
- Najugaqartunut atugassiissutinut kiisalu kaasarfimmiuinut tunngassutilinnut ajornartorsiutaasinnaasut pingaarnerpaat pillugit ataavartumik ilisimatitsisarneq aamma ajornartorsiutit qanoq aaqqinneqarsimanersut paasissutissiissutigalugu.
- Najugaqatigiiffimmi najugalinnut isumassuineq, paaqqutarinninneq kiisalu sammisaqartitsinerit pillugit naammagittaalliuutinik tamanik ataavartumik ilisimatitsissutigalugit taakkulu Ingerlatsivimmi aqutsisoq kiisalu kommunimi sulisut attuumassutillit suleqatigalugit sapinngisamik sukkanerpaamik aaqqinneqarnissaat isumagalugu.
- Najugaqartut akornanni pinartumik napparsimasoqartillugu, tassanngaannaq pisoqartillugu assigisaannillu pisoqartillugu pingaartoq atorneqartassaaq aamma najukkami Ilaqutareeqarnermi ingerlatsivup aqutsisuanik siumoortumik sukkulluunniit allakkatigut akuerineqareeruni tunngavilersukkamik inassutigineqarsinnaavoq amerlanerpaamik qaammammut ataasiarluni.
Piumasaqaatit:
·Peqqissaasoq, pillorissaasoq, peqqissutsimut ikiorti assigisaanilluunniit
·Aqutsisoq-mit allaffissornermut tunngasortanik ilinniagaqarneq aammalu atuagarsornikkut aqutsisutut ilinniagaqarneq.
·Innarluutilinnut suliaqarfimmi imaluunniit utoqqaat paaqqutarinerannik sulinermit misilittagaqarneq.
·Aqutsinermik misilittagaqarneq.
·Tarnikkut nukittooq
·Misiginneqataasinnaasoq
·Suliaq assigiinngitsut pillugit suleqatiginnilluarsinnaaneq.
·Maligassiuisoq, malittarisassat allassimanngitsut malillugit.
·Attaveqarluarsinnaasoq.
·Najugaqartunut, ilaqutaasunut sulisunullu pitsaasumik attaveqartartoq.
·Tamakkiisumik eqqarsariartaasilik.
·Sunut tamanut eqaatsumik pissusilik.
·Torersoq angusaqarusuttorlu.
·Tatiginartoq, ilumoortoq akisussaassuseqartorlu.
·Aporaannernik pitsaasumik isumaginnissinnaasoq.
·Aallartitsisartoq.
·Sunniuteqarsinnaasoq aamma tusarnaarsinnaasoq.
Akissarsiat atorfeqarnikkullu atugassarititat:
Ilinniarsimasap isumaqatigiissutaa malillugu atorfinititsineq pissaaq.
Atorfimmut atatillugu inissaqartitsisoqanngilaq.
Atorfimmut paasissutissat annerusut piniarneqarsinnaapput Avannaata Kommuniani Ilaqutareeqarnermut immikkoortoqarfimmi Aqutsisumut Julie Jakobsen Grønvold-imut saaffiginninnermi, mail: jugr@avannaata.gl imaluunniit tlf.nr.: 38 78 49.
Qinnuteqaat ilinniarsimaneq suliffigisimasallu pillugit paasissutissat, ilinniarsimanermut up-pernarsaat il.il. ilanngullugit nassiunneqassapput Avannaata Kommuniata nittartangaa: Avannaata.gl/ledige-stillinger iserfingalugu.
Qinnuteqarnissamut killissarititaasoq: februaarip 23.-at, 2026