Aqqusernit, iliveqarfiit, kuuffiit, krani, puttasut, eqqaavilerineq il.il. pillugit ingerlatsinermi suliassat suliarineqarnissaannut peqataarusuppit? Sulisunik aqutsisinnaavit, taamaalillutik taakku suliassanut taakkununnga tunngatillugu namminneq naleqassusermik akisussaaffeqarnermillu annertunerusumik misigisaqalersillugit?
Aaqqiissutissanik pisariitsunik atorneqarsinnaasunillu siunnersuuteqarsinnaavit, kiisalu ineriartortitsinermik siuarsaajumallutit ilikkagaqarnissamut sapiissuseqarpit?
Taava Ilulissani ingerlatsinermut akisussaasutut aqutsisutut atorfik immaqa illit ilinnut naleqquppoq.
Avannaata Kommunia Ilulissani ingerlatsinermut immikkoortortaqarfimmi ingerlatsinermut akisussaasutut aqutsisussarsiorpoq.
Mekanikimut tunngasunik ilisimasaqarluartumik, nalinginnaasumik aqutsinermik misilittagalimmik kiisalu illoqarfiup ineriartortinneqarnissaanut soqutiginnittumik inummik nukittuumik ujarlerpugut.
Atorfik aalajangersimasumik atorfinitsitaaneruvoq, Ilulissani aamma Ilulissat eqqaani nunaqarfinni sisamani — Ilimanaq, Oqaatsut, Qeqertaq aamma Saqqaq — aqqusernit, iliveqarfiit, krani, eqqaavilerineq il.il. ingerlanneqarnerisa qulakkeerneqarnissaannut.
Ilulissani ulluinnarni suliffeqassaatit, ingerlatsinermi sulisunik aqutsinissarnut kaammattuinissarnullu periarfissagissaarlutit, ingerlatsinermi akisussaasumut ikiorti, sulisunut aqutsisut marluk sulisullu 50-it missaanniittut, entreprenøreqarfimmi, eqqaavilerisuni, ikuallaavimmi, tigooqqaavimmi, eqqaavissuarmi, kiisalu qimminik kapuuisartut, sulineranni aquttuuffigissallugit.
Immikkoortortaqarfiup suliassaqarfiini makku suliassarissavatit
·Innuttaasunut pitsaasumik kiffartuussinissaq, tassa innuttaasut saaffiginnissutaannik misissuineq, paasinninneq suliarinninnerlu imaluunniit eqqortumik oqartussamut innersuussineq.
·Kommunalbestyrelsip aalajangiineri naapertorlugit teknikkimut tunngasuni akisussaassuseqartumik ingerlatsinermik pilersuinermillu qulakkeerinninneq.
·Ukiut tamaasa sanaartornermut immikkoortortaqarfimmut pilersaarutinut kissaatit pillugit eqqarsaatigilluakkamik qinnuteqaatit nassiunneqartarnissaannik qulakkeerinninneq, Ilulissani kiisalu nunaqarfinni attuumassuteqartuni sanaartornermut pisariaqartitat naammassineqarnissaat anguniarlugu.
·Missingersuutinut iliuusissatut pilersaarut malillugu missingersuutinik eqqortitsinissamik qulakkeerinninneq aammalu fagchefimut qaammatikkaartumik nalunaarusiorneq.
·Ingerlatsinermi pilersuinermilu sulisunik ingerlaavartumik ineriartortitsinermik piginnaanngorsaanermillu qulakkeerinninneq.
·Ilulissani Allattoqarfimmik suleqatiginninneq, Ilulissat illoqarfiata Avannaata Kommuniata ataatsimoortumik aaqqissuussaaneranut ilanngunneqarnissaa anguniarlugu.
·Ingerlatsinermi pilersuinermilu sulisut ulluinnarni suliassaminnik isumaginninnissaminni assigiimmik anguniagaqarlutillu atortoqarnissaannik qulakkeerinninneq.
Politikkikkut anguniakkanik piviusunngortitsinermut peqataassaatit, tassunga ilanngullugit suliniutit nutaat atuutilersinneqarnerat, ulluinnarni suliassat agguaanneqarnerat kiisalu sulisunik ilinniartitsineq aamma kaammattuinerlu.
Piginnaasat
·Assassorluni suliamik tunuliaqutaqarneq, soorlu mekanikeritut, maskinarbejderitut, sanasutut, sarfalerisutut imaluunniit taamaaqataanik
·Avatangiisinik kaammattuisinnaaneq aammalu maligassiuilluni sunniuteqarsinnaaneq
·Kalaallisut qallunaatullu oqaatsinik piginnaasaqarluarneq
·Suliffeqarfimmi politikkikkut aqunneqartumik sulinissamik soqutigisaqarneq
Suleqateqarnissamik piginnaasaqarluarneq
·Innuttaasut naligalugit ataqqillugillu naapitsisinnaanerup pingaaruteqassusianik paasinninneq
·Minnerpaamik B-mik biilernermut allagartaqarnissaq, angisuumik allagartaqarneq iluaqutaassaaq
·Missingersuutinik ilisimasaqarneq missingersuutillu iluanni sulisinnaaneq
·Aqutsinermik misilittagaqartoqarsinnaavoq
Neqeroorutigaagut
·Suliffik soqutiginartoq, imarisamigut nikerartoq akisussaaffeqarfiusorlu
·Sulisunik aqutsinermik misilittagaqalernissamut periarfissaqarluartoq
·Suliffik unammillernartoq pissanganartorlu
Akissarsiat atorfeqarnermilu atugassarititaasut:
Akissarsiat atorfinitsinneqarnerlu AK-p isumaqatigiissutai naapertorlugit.
Atorfiup 1. juni 2026-imi inuttalerneqarnissaa kissaatigineqarpoq imaluunniit isumaqatigiissuteqarnikkut.
Atorfimmut atatillugu inissaqartitsisoqanngilaq.
Ilulissat pillugit
Atorfik Ilulissani inissisimavoq, 5.000-t missaannik innuttaqarnermigut, Nunatta avannaani aqutsinermut, kulturimut, inuussutissarsiornermut aammalu ilinniartitaanermut qitiusumik inissisimasumi.
Kommune sukkasuumik ineriartorpoq, taamaattumillu kommunip ingerlatsinerata iluani avataanilu pisortat sullissiviatut naatsorsuutigisat malillugit qaqugukkulluunniit naammassineqartarnissaat naatsorsuutigineqarpoq. Illoqarfiup pinngortitami kusanarluinnartumi inissisimanerata saniatigut piniarnermut, aalisarnermut aammalu imaani angalaarnermut periarfissanik immikkuullarissunik periarfissiivoq.
AttaveqarfissaqAtorfikannertunerusumik paasissutissat piniarneqarsinnaapput
Ingerlatsineq Avatangiisinilu fagchefimut Nîsínguak’ Lundblad Geisler, oqarasuaat.: +299 38 77 18 imaluunniit mail-imut nlge@avannaata.gl -imut saaffiginnissuteqarluni.
Qinnuteqaat
Qinnuteqaat CV, siornatigut sumi suliffeqarsimaneq, pinerlussimannginnermut uppernarsaat kiisalu ilinniakkami soraarummeernermi uppernarsaatinik aamma innersuussutinik ilallugu, Avannaata Kommuniata nittartagaani atorfimmut nalunaarummi “atorfik una qinnuteqarfigiuk” toorlugu nassiunneqassapput.
Qinnuteqarnissamut killissarititaasoq: maajip 20.-at, 2026