Avanersuup Atuarfia, Qaanaaq. Avannaata Kommuniani, ilinniartitsisunik pissarsiorpoq
Kalaallit Nunaata illoqarfiata avannarlersaanni, ilinniartitsisutut nutaanut unammilligassanik piukkooruit, tikilluaqqusaavutit saaffiginninnissamut.
Atuartitsissutini ukunani: Kalaallisut, Qallunaatut, Tuluttut, Kisitsineq, Inuiaqatigiilerineq, Oqaluttuarisaaneq, Upperisarsiorneq, Inuttut inerikkiartorneq, Fysik/kemi, Igatitsitsineq, Sanatitsineq, Timersorneq, Nipilersorneq, Eqqumiitsuliornerlu.
Atuarfik 1.-10.klassit, 94-inik atuartuuteqarpoq, ilinniartitsisullu 13, taava periarfissaqarputit 1.august 2025 immaqaluunniit isumaqatigiinnikkut. Ilinniartitsisunngoqqammeruit periarfissaavoq 1.juli 2025 atorfininnissarnut aallartinnissaa.
Naatsorsuutigivatsigit:
- Ilinniarfissuarmi ilinniartitsisunngorsimassasutit, immaqaluunnit assigisaannik.
- Pikkorissoq sulerusussuseqartorlu
- Suleqatiginnillaqqissoq atuartunut, angajoqqaanut, ilinniartitsisoqatigiit taavalu aqutsisunut.
- Periarfissanik takunnilluarsinnaasoq.
- Ajunngitsoq angorusullu sulerusussusilik
Neqeroorfigisinnaavatsigit:- Suleqatigiit, atuartullu nuannersut
- Atuarfik nuannersoq, angissusaanut tulluartoq.
- Atuarfik ineriartortoq, IPad-tilu atorlugu atuartitsisarneq
- Akisussaaffiit assigiinngitsut misilittagaqarfiginissaanut.
- Ineqarnermut akiliinermini tapiissut
- Ukiut tamaasa akiliunneqarluni angalaneq (Immikkut ittumik atorfininnermi, ukiuni pingasuni atorfininnermi)
- Aningaasat katersat suligunnaarnissavit tungaanut (minnerpaamik ukiut pingasut)
- Perusuersaartarfimmut sulititsisup akilertassavaa.
Inissaq:Atorfimmut atatillugu inissamik attartuisoqartarpoq, tassungalu qularnaveeqqut, ineqarnermut akiliutit, atuineq il.il. akilerneqartassapput. Pisattatit umiarsuarmi nassiunneqartussaapput, ukiumut marloriaannaq umiarsuaqartarpugut, (juulip taavalu september), isumaqatigiittariaqassuugut sorlermut pisattatit tikissanersut.
Akissarsiat, Atorfininnermullu atugassarititaasut:
Akissarsiat atorfininnermilu atugassarititaasut, matumani atorfininnermi angalanermut aamma pisattat nuunneqarnerannut akiliunneqarneq ilangullugu atorfininnerup nalaani Kalaallit Nunaanni Namminersorlutik Oqartussat kiisalu Ilinniartitsisut Meeqqat Atuarfiannersut Kattuffiat, IMAK-ip akornanni isumaqatigiissut naapertorlugu pissaaq.
Atorfinititsineq Immikkut ittumik ukiunut aalajangersimasumik sivisussusilik pillugu Namminersorluik Oqartussat kiisalu Ilinniartitsisut Meeqqat Atuarfianeersut Kattuffiata IMAK-ip akornanni isumaqaitigiissutaat naapertorlugu pissaaq. Qinnuteqartut tjenestemandsstilling-imi atorfiliuppata tamanna atuutiinnassaaq.
Atorfinititsineq qaammatini pingasuni misiliutitaqassaaq.
Pinerluuteqarsimannginnermut uppernarsaat
Atorfik una pinerluuteqarsimannginnermik uppernarsaammik aallernissamik inatsisitigut piumasaqaatitaqarmat. Inatsit naapertorlugu atorfininneq aatsaat aallartissaaq politiinit pinerluuteqarsimannginnermut uppernarsaammik naammaginartumik kommuni tigusaqarpat.
Meeqqanik pinerliisimannginnermut uppernarsaat
Atorfik una meeqqanik pinerliisimannginnermik uppernarsaammik aallernissamik inatsisitigut piumasaqaatigineqarmat. Taamaammat maluginiaqquarput atorfininnissaq ullulerneqarsinnaammat aatsaat Naalagaffiup politiivinit meeqqanik pinerluuteqarsimannginnermik naammaginartumik imalimmik kommuni tigusaqarpat.
Qinnuteqaat:
Avannaata nittartagaani qarasaasiakkut qinnuteqaatit immersorneqassapput.
Ilinniarsimanermut uppernarsaatit ilanngussinnaavatit, siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut Qinnuteqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Annertunerusumik paasisaqarnerusukkuvit:
Apersuinissarnut tikilluaqqusaavutit Atuarfiup pisortaaneranut Dan D. Normann, oqarasuaat 972817 E-mail: dano@avannaata.gl. atuarfiullu nittartagaa misissorneqarsinnaavoq www.avaatu.gl
Malugiuk:Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: maajip 20.-at, 2026