Suliffimmi unammillernartumi sulerusuppit?
·Periarfissarpassualik inuttut ineriartornissamut.
·Ilinniaqqiffiulluarsinnaasoq.
·Suleqatingiilluarfik qatserisoqarnermi ingerlatsinermi.
·Atorfissaqartitaaneq malillugu sumiiffimmiik sumiiffimmut suliartorsinnaasarneq.
Avannaata Kommunia suleqatikkuminartumik ammasumillu Upalungaarsimanissamut inspektørimik kommunimi upalungaarsimanermi Ilulisat-ni inissisimasussamik pissarsiorpoq. Atorfik piaartumik imaluunniit isumaqatigiissuteqarnikkut inuttalerneqarusuppoq.
Suliassaqarfiit ilaatigut makku akisussaaffigissavatit:
·Ilulissat-ni nunaqarfianilu upalungaarsimanermut suliaqarnermut aqutsisuuneq
·Qatserisartoqarfiup sulisuinik aqutsineq
·Qatserisartoqarfimmut atatillugu missingersuutinut akisussaaneq
·Sumiiffinni upalungarsimanissamut pilersaarutinik malitseqartitsineq
·Sumiffimmi tunngaviusumik ilinniartitaanermut akisussaaneq
·Ikuallattoqarnerani misissuineq
·Qatserisartoqarfiup atortuinik illuutaanillu aserfallattaaliineq
·Illoqarfiup nunaqarfiillu innuttaanut pinaveersaartitsinermik suliniuteqarneq
·Suliassamik pissusissaq eqqorlugu sunniuteqarluartumik, eqaatsumik kiisalu ingerlatsinermik qulakkeerinninneq
·Suliassat attuumassuteqarsinnaasut allat.
Qinnuteqartumut piumasaqaatit:
·Suliniuteqarnermi pisortatut ilinniagaqarneq (illoqarfik/timmisartoq) aamma ikuallattoqarnerani misissuinermut ilassutaasumik ilinniagaqarsimaneq
·Pisortavittut namminerminut upalungaarsimanermilu suliassanut atatillugu ataqqinnittunngortitsisinnaasoq
·Ingerlatsivimmi ammut qummullu sammisumik unneqqarissumik suleqatiginnissinnaassuseqarputit
·Immikkoortortanut assigiinngitsunut katersuuffittut siunnerfiliisinnaavutit
·Aningaasaqarnermut ilisimasaqarputit
·Suleqataasunik piginnittuunermik aalajangernissamullu piumassuseqalersinniarlugit peqataatitsineq
Qinnuteqartup inuttut piginnaasassai:
·Piviusunngortitsisinnaassuseqarneq, aammali tusarnaarsinnaaneq
·Angusaqarusuttuuneq kiisalu ineriartortitsinissamut ammasuuneq
·Aqqiagiinngissutinik takkuttoqaraangat aaqqiisinnaassuseqarneq
·Tatiginassuseqarneq avatangiisinullu tatiginnissinnaaneq
Akissarsiat atorfinitsitaanermilu atugassarititaasut:
Akissarsiat atorfinitsitaanermilu atugassarititaasut, matumani atorfininnermi soraarnermilu angalaneq, kiisalu pisattat angallanneqarnerat Naalakkersuisut kattuffiullu isumaqatigiinniartussaatitaasup akornanni atorfiup inissinneqanerani isumaqatigiissutasut atuuttut naapertorlugit pissaaq.
Inissaqartitsisoqanngilaq
Atorfinitsitaaneq pinerluuteqarsimannginnermut uppernarsaammik naammaginartumik aallaaveqarluni pissaaq.
Paasissutissat allat:
Upalungaarsimanermut pisortaq Isak Pjettursson tlf. +299 38 77 51 imaluunniit qarasaasiakkut ispj@avannaata.gl -mi attavigineqarsinnaavoq atorfimmut paasissutissanik annertunerusunik pissarsiniarluni.
Qinnuteqaat, ilinniagaqarsimanermut, siornatigut suliffigisimasat kiisalu pinerluuteqarsimannginnermut uppernarsaat oqaaseqaatillu allat ilanngullugit Avannaata kommunianut nassiunneqassapput kingusinnerpaamik
Qinnuteqarnissamut killissarititaasoq: maajip 22.-at, 2026