Atorfik inuttassarsiorneqarluni saqqummiunneqartoq 1. oktober 2026 aallarnerfigalugu imaluunniit isumaqatigiissutigineqarnikkut aallartittussamik inuttassarsiunneqarpoq.
Atorfik Inunnut Innarluuteqartunut sullissinermi sulianut aqutsisutut atorfik Ilulissani inissisimavoq. Inunnut Innarluuteqartunut sullissinermi sulianut pisortaq Ilaqutareeqarnermut Ingerlatsivimmi pisortaanermut toqqaannartumik attaveqartussaavoq.
Suliassat aamma akisussaaffiit:
• Inuit Innarluutillit kommunimi sullinneqarneranut akisussaassuseqarluni pisortatut ingerlatsinermi akisussaasuuneq, immikkoortortaqarfiiit innuttaasunut sullissinermi pisariaqartinneqartunik qulakkeerinninneq.
• Aqutsisutut nakkutilliisarnerup suliarineqarnissaanik, inunnik innarluutilinnik tapersiisarnermi inatsisit naapertorlugit aamma Avannaata Kommuniani ilaqutariinnermut suliassaqarfimmi missingersuutit naapertorlugit ingerlatsinermi akisussaasuuneq.
• Inuit Innarluutillit suliassaqarfimmi, ulluinnarni ingerlatsinermi aqutsinermilu ilaqutariinnermut immikkoortortaqarfinnut innuttaasut kiffartuunneqarnerata sinaakkutit malillugit pitsaassutsianillu aalajaatsumik qulaarnaarineq.
• Inuit Innarluutillit Ingerlatsivimmi suliassaqarfimmut kommunip politikkiinik, pitsaassutsinik malitassanik sinaakkutissallu allat suliaqarnermi atuuttunngortinnerannilu akisussaaneq.
• Inuit Innarluutillit suliassaqarfimmi aningaasanik atuineq eqqarsaatigalugu, ilaqutariinnermut immikkoortortanut ingerlaavatumik siunnersuineq ilitsersuinerlu, matumani pingaartumik immikkoortortaniit nalunaarusiornernik pissarsiniartarneq aamma pisariaqartitsineq malilulgu missingersuutitigoortumik nuussinissamik imaluunniit ilassutitut aningaasaliinissamik qinnuteqaatit ilanngullugit.
• Inuit Innarluutillit suliassaqarfimmut ukiumoortumik missingersuutinik suliaqarneq eqqarsaatigalugu siunnersuineq ilitsersuinerlu aamma ukiumoortumik missingersuutitp ingerlaavartumik nutarteriffigineqarneranik aningaasaliissutillu eqquutsinneqarnissaannik qulakkeerineq.
• Naatsorsuutinut oqaaseqaatit suliarineqarnerannut atatillugu ataqatigissaarineq. Naatsorsuutinut aamma missingersuutinut oqaaseqaatit suliarineqarnerannut atatillugu immikkoortortanit isummat apuunneqartut, qitiusumik ilaqutariinnermut ingerlatsivimmi oqaluuserineqartarnissaannik politikkikkullu suliarineqarnissaannut inassuteqaasiornernik isumaginninneq.
Piginnaasat:
• Inunnik isumaginninnermi siunnersuisartutut ilinniagaqartuuvutit – sapinngisamik aningaasaqarnermut aamma isumaginninnermi inatsisinut tunngasunut tunngasutigut pikkorissarsimasutit, imaluunniit pikkorissarnerit taama ittut ingerlannissaannut piumassuteqartutit.
• Inunnik isumaginninnermi aamma ilaqutariinnik sullissinermi annertuunik ilisimasaqartutit, pingaartumik aningaasaqarnermut aamma inatsisitigoortumik nakkutilliinermut tunngasunut.
• Kommunit ingerlatsiviini aningaasaqarnermut tunngassuteqartuni aqutsisutut misilittagaqarnissat pitsaaqutaassaaq
• Inunnik isumaginninnermi aamma ilaqutariinnik sullissinermi allaffissornikkut aqutsinermi misilittagaqartutit.
Inuttut piginnaasat:
• Suliassanut pitsaasumik ersittumillu malinnaasinnaaneq.
• Akisussaassuseqarneq.
• Pitsaasumik suleqatiginnissinnaaneq, matumani suliassaqarfiit assigiinngitsut ilanngullugit.
• Suliani oqimaatsuni, pitsaasumik isummersuisinnaaneq, siunnersuisinnaaneq ilitsersuisinnaanerlu.
• Pisuni ilungersunartuni pitsaasumik malinnaanissamik attassiinnarsinnaaneq.
• Missingersuutit naatsorsuutillu suliarineqartarnerannut ilisimasaqarluarneq.
• Inunnik isumaginninnermi inatsisinut ilisimasaqarluarneq.
• Kalaallisut danskisullu allassinnaaneq oqalussinnaanerlu.
• Tarnikkut nukittuujuneq.
• Tulleriiaarillaqqinneq misissueqqissaallaqqinnerlu.
• Isumaqatiginninninniallaqqinneq (pingaartumik ingerlatsinermut atatillugu).
• Misiginneqataasinnaaneq.
• Maligassiusinnaassuseqarneq pissusilersortarnermut tunngasutigut.
• Pitsaasunik attaveqartarnermi piginnaasaqarneq.
• Suliassanut tunngatillugu sunniuteqarluarsinnaaneq aamma pitsaasumik angusaqarusussuseqartumillu ingerlatseriaaseqarneq.
• Tamakkiisuusumik isiginnittumik isummeriaaseqarneq.
• Eqinnaatsumik suleriuseqarneq.
Akissarsiat aamma atorfininnermi atugassarititaasut:Akissarsiat aamma atorfininnermi atugassaarititaasut, kommunip aamma isumaqatigiissutinut isumaqatigiissuteqarsinnaatitaasut kattuffiit akornanni isumaqatigiissutit naapertorlugit pissapput.
Atorfimmut atatillugu inissaqartitsisoqarpoq.
Atorfininnermut atatillugu piumasaqaataavoq, pinerluuteqarsimanermut uppernarsaat aamma meeqqanik pinerliisimannginnermut uppernarsaat pillugit naammaginartunik ilisimatitsissutinik tunniussinissaq. Taakkku qinnuteqartumit akuerineqarlutik atsiorneqareerpata, sulisitsisup Rigspolitiinut taakku pissarsiariniassavai.
Atorfik pillugu annertunerusumik paasissutissat pissarsiarineqarsinnaapput, Inunnik isumaginninnermut pisortamut Aviâja Madsen-imut, oqarasuaat 38 76 04 imaluunniit e-mail: avma@avannaata.gl aqqutigalugit
Qinnuteqaat ilinniarsimanermik uppernarsaatinik attuumassuteqartut, CV oqaaseqaatit il.il. Avannaata Kommuniata nittartagaa iserfigalugu www.avannaata.gl/ledige-stillinger nassiunneqassapput.
Qinnuteqarnissamut killissarititaasoq: aggustip 28.-at, 2026