Avannaata Kommunia Ilulissani takornariaqarnermut siunnersortissarsiorpoq
1. oktober 2025 aallartittussamik imaluunniit isumaqatigiissuteqarnikkut piaarnerpaamik.
Takornariaqarnermut siunnersorti Ilulissani Inuussutissarsiornermut Ingerlatsivimmi allaffeqassaaq. Siunnersorti atorfimminut atatillugu Avannaata Kommuniani illoqarfiit sinnerinut nunaqarfinnullu qanittumik suleqateqassaaq, taakkununngalu angalasarnissaq naatsorsuutigineqassaaq. Avannaata Kommuniani takornariaqarneq annertuumik ineriartorfiuvoq, taamaammallu, kommunimi avataanilu, pissanganartunik unammillernartunillu suliassaqarnissaq naatsorsuutigineqartariaqarpoq.
Suliassanut akisussaafinnullu tunngasut:
Takornariaqarnermut siunnersortip ulluinnarni akisussaaffigissavaa takornariaqarnermik suliaqartunut siunnersuisarnissaq aamma Ilulissani Takornariaqarnermut siunnersuisooqatigiinnut siunnersortaanissaq, Avannaata Kommunianilu siunnersuisooqatigiinnut ataatsimiititalianut allanut takornarialerinermut attuumasunut.
·Illoqarfinni nunaqarfinnilu takornariaqarneq pillugu siunnersuineq.
·Takornariaqarnermik inerisaarusuttunut siunnersuineq ikiuunnerlu.
·Illoqarfinni nunaqarfinnilu takornariaqarneq pillugu politikkikkut suliniuteqarnermi peqataaneq.
·Naatsorsuutigineqarsinnaavoq suliassat ilaat suliffiup nalinginnaasup avataaniittarnissaat, soorlu aamma nunanit allaniit takornariaqarneq pillugu suliani akunnermuliuttuusarnissaq naatsorsuutigineqarsinnaasoq.
Piginnaasassatut piumasaqaatit:
- Suliassanut tulluartumik ilinniagalik, ajornanngippat akademiker-itut.
- Takornarialerinermik suliaqarnissamut soqutiginninneq.
- Suliamut pimoorussisoq, imigassamik aanngajaarniutinillu ajornartorsiuteqanngitsoq
- Pingauinnik oqaasilik, kalaallisut, qallunaatut tuluttullu, pinngitsoornangu piumasaanngikkaluartumik.
·Suliumassusilik akisussaassuseqarluartorlu.
Naatsorsuutigissavat, suliamut atatillugu ataatsimiinnernut, isumasioqatigiinnernut pikkorissarnernullu peqataajartoqquneqartarnissat.
Aningaasarsiat atorfeqartitaanermilu atugassarititaasut.
- Kalaallit Nunaanni Naalakkersuisut kattuffiullu allap isumaqatiginninniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.
Atorfik pillugu paasissutissat amerlanerusut pissarsiarineqarsinnaapput Inuussutissarsiornermut pisortaq, Bendt Kristiansen, ugguuna saaffigalugu: bkri@avannaata.gl
Qinnuteqaat ilinniarsimanermut allagartat, siornatigut atorfigisimasamut uppernarsaatit, kiisalu soraarummeersimanermut uppernarsaatit assilineqarneri ilanngullugit tunniunneqarsimassapput kingusinnerpaamik 19. septembari 2025, Avannaata Kommuniata nittartangaa iserfingeriarlungu “atorfik una qinnuteqarfingiuk” tassuuna qinnuteqartoqassooq. www.avannaata.gl
Qinnuteqarnissamut killissarititaasoq: septembarip 19.-at, 2025