Ilulissani utoqqaat angerlarsimaffiat Unganartoq aqutsisumik pissarsiorpoq, atorfiniffissaq 1. januar 2026 imaluunniit isumaqatigiissuteqarnikkut.
Aqutsisup qaninnertut qullersarissavaa Ilaqutareeqarnermut immikkoortortaqarfik Ilulissani aqutsisoq.
Atorfiup pingaarnertut suliassai:
- Allaffissornikkut aqutsinermi, paaqqutarinnermi/isumassuinermi kiisalu sammisaqartitsinermi aamma sullissinermi pisortaasoq sukkulluunniit akisussaavoq.
- Utoqqaat illuanni aqutsisut aamma utoqqaat illuanni sulisut allat angerlarsimaffimmi pingaartuusartut peqatigalugit pingaartuusartut pillugit aaqqissuussamut ilaaneq.
- Najugaqartunut/atuisunut ataasiakkaanut iluaqutaasussamik sullissinikkut pitsaassutsimik pitsanngorsaanissamut akisussaaneq.
- Atuisut najugaqartullu taakkulu pisariaqartitaat aallaavigalugit taakkulu suleqatigalugit paaqqutarinninnermut isumassuinermullu akisussaaneq.
- Paaqqinniffimmi najugaqartunut/atuisunut tamanut angerlarsimaffimmik pilersitsineq, taamaalilluni pitsaassuseq atugarisallu qaffasinnerpaaffimmeeqqullugit.
- Najugaqartussat nutaat qasuersaarfimmillu atuisut iserterneranni sapinngisamik toqqissisimanerpaamik illersorsinnaasumillu pinissaannut akisussaaneq.
- Nakorsaatilerisinnaaneq.
Naatsorsuutigaarput:
- Atorfimmut tulluuttumik ilinniagaqartutit peqqinnissaqarfimmi annertusisamik ilinniartitaaneq, soorlu peqqissaasoq, timimik sungiusaasoq, pillorissaasoq imaluunniit sundhedsassistentitut.
- Atuagarsorluni pisortatut ilinniarsimasoq.
- Utoqqarnik imaluunniit innarluutilinnik sullissinermik misilittagalik.
- Marluinnik oqaaseqartutut kalaallisut qallunaatullu.
- Kalaallit Nunaanni inuiaqatigiinni pissutsinut aammalu pisortat suliffeqarfiinut ilisimasaqartut.
Inuttut piginnaasat:
- Eqqarsartaatsikkut patajaassuseq.
- Inuit allat misigissusaannik paasinnissinnaaneq.
- Ilinniagaqassuseq akimorlugu suleqatigiissinnaassuseqarneq.
- Aallartisaasoq.
- Sunniuteqarluarsinnaaneq.
- Anguniagaqarluni sulisinnaassuseqarneq.
- Sunik tamanik ilisimasaqarneq.
- Eqaatsumik periuseqarneq.
- Tusarnaarsinnaaneq.
- Aaqqissuusaasumik sulisinnaaneq.
- Tatiginartoq, tunniussimasoq kiisalu akisussaaffimminik ilisimaarinnittoq.
- Piumasaqaat dekorum naapertorlugu maligassiuisutut inissisimaneq.
- Attaveqarnissamut attaveqaatinullu pikkorissuseq.
- Aaqqiagiinngissutit aaqqinnissaannut pikkorissuseqarneq.
Atorfik pillugu paasissutissat annerusut pissarsiarineqarsinnaapput saaffiginninnikkut Ilaqutareeqarnermut Ingerlatsivimmi Afdelingsleder Ane Jeremiassen oqarasuaat 38 77 12 imaluunniit e-mail-ikkut: anjn@avannaata.gl
Akissarsiaqartitsineq atorfinitsitinerlu:
Akissarsiaqartitsineq atorfinitsitinerlu pissapput atorfinitsinneqarnerup nalaani Naalakkersuisut kattuffiullu isumaqatigiinninniarsinnaatitaasup akornanni isumaqatigiissutit naapertorlugit.
Atorfimmut atatillugu inissaqartitsisoqanngilaq.
Atorfinititsineq aatsaat pissaaq ”pisortatigoortumik pillagaasimannginnermut uppernarsaat” naammaginartoq pigineqarpat.
Qinnuteqaat ilinniarsimanermut suliffigisimasallu pillugit paasissutissat pappialallu allat pisariaqarsorisat ilanngullugit kingusinnerpaamik Sulisoqarnermut Immikkoortortamut ulloq 19. november 2025 tunniunneqareersimassapput nassiunneqarlutilluunniit: hr@avannaata.gl
Qinnuteqarnissamut killissarititaasoq: novembarip 19.-at, 2025