Oqaluttuarisaanermik, eqqumiitsuliornermik imaluunniit eqqumiitsuliornerup oqaluttuassartaanik soqutiginnilluinnartuuit?
Ilulissani katersugaasivinnut sulisussamik tunniusimasumik Avannaata Kommuniani 1. februar 2025 aallartittussamik imaluunniit isumaqatigiissuteqarnikkut sulilersussamik pissarsiorpugut. Katersugaasiviit arlalinnik illuuteqarput, taakkulu nikittaattumik suliffigisassavatit. Suleqatitut suleqatigissvatit Ilulissani katersugaasiviit ulluinnarni ingerlanneqarneranni suleqatigiit. Piffissami tamakkiisumi (sap.ak. 40 tiimit) sulisinnaassaatit, suliallu allanngorartut piffissarlu suliffiusoq nikerarsinnaasoq naatsorsuutigissavat.
Suliat akisussaaffiillu ilaatigut makkuussapput:
- Saqqummersitsinernik aaqqissuussineq (inissitsiterineq ilanngullugu) taakkulu suunerinik ”ilisarititsineq” aaaqqissuussinerillu allat
- Saqqummersitsinernut workshop-ertitsinernullu atatillugu suliassat
- Katersugaasiviup soqutigisaqarfiata iluani suliamut atatillugu attaveqaataaneq
- Katersugaasiviup niuertarfiani tuniniaanerit aamma nioqqutissanik inniminniinerit
- Katersugaatit nalunaarsornerat
- Aningaasaqarnermik paasisimasaqarnissaq, ullormut naatsorsuusiornerit ilanngullugit
- Katersugaasiviup torersuunissaanik/eqqiluitsuunissaanik isumaginninneq
Sulilersoq katersugaasiviup pisortaanik qanimut suleqateqassaaq.
Uku piginnaasaqaarfigissavatit:
Katersugaasivimmi sulinermut assingusumik misilittagaqassaatit
Suliassat arlallit ataatsikkut isumagisinnaassavatit
Suliap aaqqissuulluagaanissaanut ataqatigiissaarnissaanullu soqutiginnittuussaatit
Ammasuussaatit, ullormut nal.ak. suliffiusut nikerarsinnaanerat ammaffigissavat, tunniusimassaatit eqqumiitsuliallu paasissutissiissutiginissaannut soqutiginnilluartuussaatit.
Allanik suleqateqallaqqittuussaatit
Kalaallisut, danskisut (imaluunniit norskisut svenskisullu) aamma tuluttut oqalussinnaallutillu allassinnaassaatit.
Atorfik pillugu paasisaqarnerorusukkuit katersugaasivimmi pisortaq Andreas Hoffmann uunga saaffiginnillutit attavigisinnaavat: email: anho@avannaata.gl
Qinnuteqarneq:
Qinnuteqaat, ilinniarsimanermut uppernarsaatit aamma suliffigisimasat oqaaseqaataat uunga nittartakkamut iserluni nassiunneqassapput: "Søg denne stilling"
Qinnuteqarnissamut killissarititaasoq: januaarip 20.-at, 2025