Pedel-itut atorfik inuttassarsiuunneqarpoq.
Atorfik 1.December 2024 aallarnerfigalugu, imaluunniit piaartumik atorfinissinnaasumik inuttassarsiuupparput.
Suliat akisussaaffiillu:
·Majoriami Centerleder immikkoortortamilu aqutsisoq peqatigalugit ilinniartut ineqarfiinut 45-iusunut nakkutiginneqataaneq, aserfallattaaleeqataaneq, eqqiaanerlu suliassarivaai
·Majoriami Centerleder immikkoortortamilu aqutsisoq peqatigalugit Ilulissani Majoriap aserfallattaalineranut aammalu asanneqartarneranut suleqataaneq
·Majoriami asaasut peqatigalugit, eqqiaanermik suliaqarneq
Piginnaasat kissaatigineqartut:
·Sullissilluarsinnaaneq
·Pinerluuteqarsimannginnissaq
·Qiimasuunissaq, naammassisaqarluartuunissaq, suliassatigut nikerarsinnaasoq
·Oqaloqatikkuminartoq
·Kalaallisut qallunaatullu piginnaasaqarnissaq iluaqutaasinnaavoq
·Atorfimmut atatillugu, biilernermut allangartaqarnissaq piumasaqaataavoq
Atorfimmut ilisarititsinissaq:
·Majoriamit atorfimmut ilisaritinneqarnissat suliassanullu pulalluarnissat isumagineqassooq.
·Pingaaruteqarpoq pedel eqqiaasullu suleqatigilluarnissai.
Aningaarsarsiat atorfinitsinneqarnerlu:
Atorfinitsitsineq akissarsiallu SIK isumaqatigiissutai malillugit neqeroorutigivagut. SIK-p kiassaatilerisut, pedelit viceværtellu isumaqatigiissutaat atuuttoq najoqqutaralugu.
Atorfimmut atatillugu inissaqartitsisoqanngilaq.
Atorfik pillugu annertunerusumik paasisaqarusukkuit Ilulissani Majoriami Aqutsisoq Theresia Iversen attavigineqarsinnaavoq uunga: Oqarasuaat +299 38 75 85 imaluunniit e-mailikkut thpt@avannaata.gl –imut saaffiginninnikkut.
Qinnuteqaammut ilanngunneqassapput misilittakkat, suliffigisimasallu oqaaseqaatai, pikkorissarsimanermi uppernarsaatit il.il. tunniunneqarsimassaaq kingusinnerpaamik 22. November 2024 Avannaata Kommuniata nittartagaani allagarsiussassap saniani 'Atorfik una qinnuteqarfigiuk' toorneratigut nassiunneqassapput.
Qinnuteqarnissamut killissarititaasoq: novembarip 22.-at, 2024